لــيــه غــايــب

ليه غايب ؟ ول/متى هذا الغياب_؟!
مادريت أنّه غيابك لي تعب !

يبتديني الليل ضيقة وإكتئاب
وينتهيني صبح يملاه العتب

وين راح ؟ وليه راااح ؟؟ ولا جواب
من غيابك .. عن .. غيابك أنكتب

شي ذاب ؛ وشي عاب ؛ وشي خاب
وشي حاول ينتمي لي ثم هرب

والليالي..؟ من ذهاب إليا ذهاب
ترسم الرحلة مآسي .. وأغترب

أنت باب .. وللطواري ألف باب
ولك ضما جرح الطواري ولا شرب

بي ضما بك .. وأنكر كفوف السحاب
بك ضما بي .. ولا يبي غيرك طلب

له تعبت ولا تعب منك.. وتاب
ياصبر قلّي وقلّه.. وش كسب..؟

الأماني..؟ كلّها وهم وسراب
وإنتظاري نار.. وسنيني حطب

الوعد..؟ كذبة تغافلني وغاب
والوفا لعبة رجوع أللي كذب !

اللقى..؟ وجه التعازي والعذاب
كان شاب .. ثم شاب .. ثم شحب

والعمر..؟ عمّر نهايات الخراب
له بناها.. وبه دنا.. ثم أخترب

مابقى ل/قصر مشاويره زهاب
ولا بقى ل/اطول مسافاته هدب

أيه كافي.. قالها حزني وجاب
كل تفاصيل الحكاية.. وأنسحب..!

قال: كاااان وكانت الرحلة كتاب
من تفاصيله |غياب ..ابلا.. سبب|

البداية..؟ شخص يسعى للجواب
والنهاية..من نصيب أللي كذب..؟!؟









أتمنى أن تنال على رضاكم