شيــلة ’ لبـى عيونكْ ولبـىْ هالحسَـنْ كُل
لبى عيونك ولبـى هالحسـن كلّـه
انا انشهد انك قمر ليلي مع نجومه
من شاف زينك حشـا والله ماملـه
لو باع عمره لاجل عينيك مالومـه
زين الوصايف حبيبي باهي الطلـه
ياورد عمري وريحانـه ويشمومـه
ياللي عيونك تصيب وتبري العلـه
تشفي قلوبن من الايـام مهمومـه
قلبي وطن وانت حبك صار محتلـه
من يوم شفتك وقلبي ضاعت علومه
ارجوك ياصاحبي درب الثقل خلـه
وارحم حبيبِ على شانك جفا نومه
سيف الجفا ياحبيب الروح لاتسلـه
لي مدّة والنواظر منـك محرومـه
لبى عيونك ولبـى هالحسـن كلـه
انا انشهد انك قمر ليلي مع نجومه
كلمات : سلطـان السلماني
أداء : أبـو نـايـف
موضوع: شيــلة ’ لبـى عيونكْ ولبـىْ هالحسَـنْ كُل 
